നീണ്ടൂർ ഇടവക ദൈവാലയത്തിൻറെ മധ്യസ്ഥൻ വിശുദ്ധ മിഖായേൽ മാലാഖയുടെ ദർശന തിരുനാൾ, കൊറോണ വൈറസിൻറ്റെ പ്രത്യേക പശ്ചാത്തലത്തിൽ സർക്കാരിൻറ്റെയും സഭയുടെയും മാർഗ്ഗനിർദ്ദേശങ്ങൾക്കനുസരിച്ചു നടത്തും. ഇന്നു വൈകുന്നേരം (മെയ് 6) ഇടവക വികാരി ഫാ: സിറിയക് മറ്റത്തിൽ കൊടിയേറ്റുന്നതോടെ തിരുനാൾ തിരുക്കർമ്മങ്ങൾക്ക് തുടക്കമാകും, തുടർന്ന് രൂപം എഴുന്നളിച്ചു പള്ളിയിൽ വയ്ക്കും. അതിനെ തുടർന്ന് വി. കുർബ്ബാനയും നൊവേനയും ഉണ്ടായിരിക്കും.മെയ് 9 ശനിയാഴ്ച്ച വൈകുന്നേരം 5.30-ന് വി. കുർബ്ബാന, തുടർന്ന് നൊവേന, വേസ്പര, തിരുനാൾ സന്ദേശം. പ്രധാന തിരുനാൾ ദിവസമായ ഞായറാഴ്ച്ച രാവിലെ 10 മണിക്ക് തിരുനാൾ പാട്ടുകുർബ്ബാന, നൊവേന, പ്രദക്ഷിണം എന്നിങ്ങനെയാണ് പരിപാടികൾ. തിരുന്നാൾ പരിപാടികളുടെ തല്‍സമയം സംപ്രേഷണം ക്‌നാനായ വോയ്‌സിലും KVTV യിലും ഉണ്ടായിരിക്കും.